English
English

شروط السفر للمالديف

٥ حاجات جديدة، بس سهلة، لازم تعرفها وتعملها قبل ما تسافر المالديف. بالرغم انها بدون تأشيرة للمصريين، الا ان حاليا اصبح هناك بعض الطلبات الخاصة لازم تلتزم بيها قبل السفر. سهلين جدا وتعملهم بسهولة:

١- اختبار ال PCR طبعا مطلوب، كالعادة من اغلب دول العالم المفتوحة للسياحة حاليا، وبيتعمل في المعامل المركزية في وسط البلد ب١٢٦٠ جنية، وحاليا كمان مستشفى هليوبوليس بتعمله بنفس التكلفة ورايقة جدا جدا عن تجربة.

٢- شركات طيران، زي الاماراتية، بتشترط الحجز في قائمة جزر وفنادق ومنتجعات في المالديف علشان تسمحلك تركب الطيارة. هو طلب غريب جدا بصراحة، ولكن امره سهل اوي. بتعمل حجز وهمي في اي فندق من القائمة دي وبتقدمه على الكاونتر وقت ال Check in وخلاص، وكله بيعدي مش مشكلة. هتلاقوا لينك للقائمة دي في كومنت تحت.

٣- مطلوب منك كمان تعمل تسجيل بياناتك في موقع رسمي تابع لوزارة الخارجية المالديفيةوتحط صورة ال pcr وصورة شخصية وعنوان اقامتك. ويطلع ليك فورا Health Declaration code، لازم يكون معاك وانت بتعمل check in على الكاونتر قبل ما تسافر الى المالديف وتعمله مرة كمان قبل ما تغادر المالديف. (لينك التسجيل في كومنت تحت.)

٤- لو ناوي تقيم في اكتر من فندق في اكتر من جزيرة في المالديف، لازم تبلغ الفنادق علشان يعملوا ليك موافقة خاصة من وزارة الصحة اسمها Stay Split Approval. لازم تعملها ٤٨ ساعة قبل ما تتحرك من فندف للتاني. بتبلغهم في الريسبشن بتاع الفندق او شركة السياحة بتاعتك تعملهولك مع الفندقين.

٥- لو اقامتك هتكون في local island, جزيرة محلية عليها فنادق كتير زي جزيرة مافوشي الشهيرة، لازم تعمل تحليل PCR قبل ما تخرج من الجزيرة وتروح اي مكان تاني. علشان كدة نصيحة خليها اخر مكان اقامة ليك قبل ما تروح المطار وتسافر بلدك مرة تانية.

 


التعليقات

مقالات أخري