English
English

البطريق في افريقيا !!

حد يعرف ان افريقيا فيها بطاريق؟

البطريق ياعيني من الطيور الي هي عايشة على السلم كدة، بتمشي وتعوم ولكن مش بتطير... متواجدين في النص الجنوبي للكرة الارضية في محاذاة القطب الجنوبي (شوفوا صورة الخريطة في الاخر). حظنا حلو في افريقيا، عندنا مستعمرات بطاريق في جنوب افريقيا وناميبيا. ال African Penguin صغير الحجم جدا مقارن بالبطاريق في القطب الجنوبي.

شاطئ Boulders ، يبعد حوالي ساعة من مدينة كيب تاون، يعتبر من اشهر المحميات للبطاريق في جنوب افريقيا. شاطئ كبير بجواره للسباحة ولو حظك حلو ممكن تعوم مع بطاريق خارج المحمية. انصح بزيارته قبل الغروب بساعتين مثلا، علشان البطاريق بتكون في المحيط طوال الصباح للصيد وتعود بعد الظهر. ليه تذكرة دخول بحوالي ٨٥ جنية.

طالما روحت بعيد كدة عن كيب تاون، يبقى لازم كمان تزور *رأس الرجاء الصالح* - Cape of Good Hope، علشان الاثنين *شبه جزيرة الكيب*. التنقل الى الاماكن دي بيحتاج سيارة ايجار، او عربية بسواق، او tour سعرها مواصلات فقط ٤٠٠ جنية تقريبا. بس ما ينفعش تروح كيب تاون بدون زيارتها.


التعليقات

مقالات أخري