English
English

اول دولة ملحدة رسميا في العالم

التعايش السلمي الي شوفته في البانيا بين المسلمين والمسيحيين بيفكرني كدة بأمجاد المسلمين في الاندلس قديما، حيث عاشت الديانات الثلاثة في سلام لقرون طويلة. دخل الاسلام البانيا مع العثمانيين في القرن ال15 ، وتحول الكثير من الالبان من المسيحية الى الاسلام لاسباب عقائدية اجتماعية اقتصادية سياسية مختلفة، حتى اصبح حاليا 70٪ من البانيا مسلمين، بينما 30٪ منها مسيحيين

 

لكن التعايش السلمي بين الشعب الالباني يدرس والله يا اخوانا 

ما تقدرش تعرف المسلمين من المسيحيين اصلا لما تشوف الناس

البنات والستات مفيش حجاب خالص لجميع الاعمار تقريبا

الجوامع والكنايس هتلاقيهم قدام بعض وجنب بعض

بيحتفلوا بأعياد بعض وبيتجوزوا من بعض

معندهمش اي تعصب ديني خالص من اي نوع 

بابا الفاتيكان في زيارته لالبانيا سنة 2014 ضرب بيهم المثل للعالم كله في التعايش السلمي بين الاديان

في اعتقادي الشخصي، نقدر نقول ان البانيا كانت محظوظة علشان موجة الوهابية السلفية السعودية لم تطالها في السبعينات والثمانينات زي ما طالت بلاد مسلمة كتير.  لانهم كانوا دولة منغلقة سياسيا وثقافيا واعلاميا، واللغة بتاعتهم خاصة جدا، لذلك احتفظ الاسلام فيها بالوسطية والبساطة والتعايش السلمي مع الآخر. عاشت البانيا حوالي 40 سنة تحت حكم الشيوعية الملحدة، والي كانت اصلا مانعة الدين بكل اشكاله وتعتبر اول دولة ملحدة في العالم. للأسف تحت حكم الديكتاتور انور خوجة تم اغلاق جميع الجوامع والكنائس او هدمها او تحويلها لمخازن حتى. تم منع ممارسة اي نوع من انواع الشعائر في العلن والي كان بيصلي او بيصوم كان بيخبي عن اهله وصحابه خوفا من الابلاغ عنه. 

 

النهاردة عمرك ما تسمع عن اي توتر ديني في البانيا من اي نوع لانها دولة متعايشة جدا جدا مع اختلافتها وماتحسش بأي نوع من انواع التدين المتشدد بين ابنائها او اي تعصب لطائفة عن الاخرى. مؤمنين بالقومية الالبانية جدا والي بتجمعهم عن طريق اللغة والعرق فقط و ليس للدين اي اعتبار فيما يجمعهم.

 

حد زار دول  ذات اغلبية مسلمة وشاف فيها تعايش سلمي وانسجام مجتمعي زي البانيا؟


التعليقات

مقالات أخري