English
English

مين يعرف ثاني اكبر مدينة في قبرص

مدينة ليماسول هي ثاني اكبر مدينة في قبرص واهم ميزة فيها انها تقع في منتصف الشاطئ الجنوبي لجزيرة قبرص، ولما تسكن فيها تقدر تعمل زيارات كتيرة في اي اتجاه. شرقا تروح مدينة لارناكا و “ايا-نابا”، شمالا تروح جبال ترودوس ومدينة نيقوسيا، غربا تروح مدينة بافوس. يعني لو عايز تزور حاجات كتيرة في الجزيرة، دي افضل مكان تسكن فيه. الفنادق والخدمات فيها اسعارها معقولة جدا وارخص من المدن المشهورة والغالية زي “ايا-نابا" مثلا. النشاط العمراني في المدينة كبير وبيتوسع بشكل مستمر. اغلب الفنادق قريبة من كورنيش المدينة الممتد لعدة كيلومترات. جميع الشواطئ في المدينة عامة للجميع، حتى الشواطئ الخاصة بالفنادق، ممكن انك تنزل فيها كمان. من احلى واشهر الbeach clubs الي موجودة في ليماسول والي بتكون فيها حفلات موسيقى شاطئية جامدة جدا Guaba وكمان Colombia - مناسبين للشباب جدا وبدون تذاكر دخول.

حد زارها قبل كدة يعرفنا ايه كمان حلو هناك؟

من احلى الحاجات الي زرتها في مدينة ليماسول هي المارينا بتاعتها. مارينا مراكب جديدة حولها مطاعم وكافيهات حلوة كتير. تقدر تروحا بالاتوبيس العام الي بيمشي بطول كورنيش ليماسول وتذكرته في حدود ال٢ يورو. لو روحتها بالنهار ممكن تتمشى فيها او تنزل البحر في احد الشواطئ الي حواليها، او تعمل رحلة بحرية تكلفتها ممكن تبدأ من ١٠ الى ٢٠ يورو في الساعة للمجموعات. المكان كمان حلو جدا للتمشية والخروج بالليل. المطاعم فيها متنوعة واسعارها معقولة مقارنة بحلاوة المكان وشياكته.

خلف المارينا على طول موجود المدينة القديمة لليماسول، والي بالليل بتكون مليانة بارات وكافيهات شيشة كمان مناسبة للنايت لايف والي بتكون زحمة اكتر في الويك اند. كورنيش ليماسول كمان فيه night life spots حلوة.


التعليقات

مقالات أخري