English
English

قرية ليفكارا القبرصيه

مين بيحب القرى الصغيرة ومين بيحب المدن الكبيرة؟

قرية ليفكارا الجبلية، من اشهر القرى القبرصية بالاعمال اليدوية الفنية بالذهب والفضة والمفارش اليدوية منذ القرن ال١٥. شهرتها جت من زيارة ليوناردو دافنشي ليها سنة ١٤٨١ لما اشترى منها مفرش لمذبح كتدرائية ميلانو في ايطاليا. التمشية في شوارع القرية وحواريها تحسسك انك رجعت بالة الزمن الى القرون الوسطى. البيوت والابواب والشبابيك الملونة كلها قديمة وتحسسك انك بتزور قرية يونانية قديمة من القرون الوسطى، علشان جزيرة قبرص يسكنها اليونانيين من آلاف السنين.

محلات الهدايا موجودة في كل مكان ولكن خد بالك لو عايز مفرش زي بتاع دافنشي ممكن تدفع من ١٠٠ الى ٣٠٠ يورو. القرية كمان فيها كنيسة الصليب المقدس الاثرية والمبنية من القرن ال١٤. منها تقدر تشوف فيو حلو جدا للجبال والقرية. شركات سياحية كتير بتنظم رحلات يوم واحد لزيارة قرية لافكارا ومعاها اماكن زيارة كتيرة. صعب تروحها مواصلات عامة لكن لو معاك عربية هتلاقيها بسهولة على خرائط جوجل.


التعليقات

مقالات أخري