English
English

Night Life مدينة ال

ايا نابا بالليل بقى حاجة تانية خالص … مزيكا ورقص زي الشواطئ بتاعتها بالنهار 🙂

انا ما شوفتش مدينة في العالم في حياتي فيها كثافة اماكن النايت لايف دي في حياتي في هذه المساحة الصغيرة. وسط مدينة ايانابا مليان cafes, bars, pubs, clubs, لازقين في بعض بالمعنى الحرفي. ممكن تقضى اليوم كله تتنقل بينهم كلهم ومش هتخلصهم. البارات والكافيهات شغالة من اول ما الدنيا تليل لحد الساعة ١ او ٢ بالليل، وبعديها تستلم الراية clubs بالحفلات بتاعتها المختلفة. كل نوع مزيكا بتحبه هتلاقيه موجود هنا. حتى نفس ال club ممكن تلاقي فيه اكتر من قاعة وكل واحدة مشغلة مزيكا مختلفة. تذاكر دخول الحفلات ١٠ يورو تقريبا. المنافسة هناك شديدة جدا ودي خلت الاسعار هناك فعلا تنافسية ورخيصة في متناول الشباب الي في كل مكان. حتى هتلاقي اماكن بتنزل الشيشة ببلاش مع الاوردر. انا شخصيا كنت بشتري من اي ماركت في المكان كانزاية Monster ِEnergy Drink النص لتر دي ب٢ يورو واتمشى بيها على كل الاماكن بالليل. ممكن تحتفل هنا من غير ما تصرف يورو واحد فقط في اي مكان. هتلاقوا كمان مطاعم صغيرة للعشاء حوالين المكان، بيبيعوا fast food يناسب اللحظة والمكان والجو العام.

بعد ما تخلصوا clubbing لحد الساعة ٦ الصبح، هتلاقوا اماكن بقى مخصوصة في after party شغالين لحد الساعة ٨ - ٩ الصبح، تخلص هناك بقى وتطلع البيتش تنام هناك على البحر 🙂

في ناس بتنتظر لحد الساعة ٨ او ٩ الصبح فعلا علشان تاخد الاتوبيس intercity وترجع المدينة الي هي مقيمة فيها (ليماسول او لارناكا) بعد ما تخلص ليلة مجنونة في ايانابا.

محدش يسوق بعد اي حفلة علشان ممنوع. اتمشوا. التمشية مفيدة للصحة.

اشهر ٥ اماكن هناك Senior Frog’s، The Castle Club، The Square Bar، The Ranch Bar ، Pirates Inn …. ، لكن لما تروحوا هتلاقوا اماكن اكتر حلوة - شوفوا جداول الحفلات ومواعيدها واماكنها اونلاين على الموقع ده loveayianapa

تجربة ايانابا دي لا تناسب الا الشباب party animals الي بيحب الحفلات والمزيكا والرقص … ممكن تزورها يوم واحد او ٥ ايام، انت وطاقتك واستحمالك لجرعتها العالية من الجنان


التعليقات

مقالات أخري