English
English

اكتشف البانيا في أسبوعين

ناس كتير بتحب تاخد وقتها في اكتشاف بلد جديدة وسألتني عن الخطة المقترحة لمدة اسبوعين وكمان علشان السفر الى السعودية بيحتاج حجر صحي اسبوعين قبلها وكتير قرروا يسافروا البانيا لانها بدونوتاشيرة او pcr.

تمن خبرتي في اكتشاف البانيا خلال مغامراتي الي عملتها في الشهرين الي فاتوا، عالوا اقولكم تعملوا ايه في الاسبوعين دول. بس المهم يكون معاك عربية ايجار علشان الحركة تكون اسهل من مدينة للتانية وهقولكم في الاخر بكام ومنين.

TIRANA - 3 Nights

الوصول اول ليلة، بعدين زيارة وسط العاصمة ومزارات فيها والبارك والتلفريك وعمل شوية شوبينج TEG Outlet علشان العاصمة هي اكبر مكان للتسوق في البانيا. الاسعار ارخص شوية من مصر في بعض الحاجات واغلى اكيد من تركيا.

SHKODRA - 2 Nights

مزارات المدينة والقلعة بتاعتها والبحيرة في يوم. يوم تاني رحلة الى بحيرة كوماني ونهر الشالا والمشهورة ان اسمها (Thialand of Albania).

Theth - 2 Nights

حيث جبال الالب الالبانية، واحدة من احلى القرى الي في البانيا. طالما معاك وقت اقعد هنا ليلتين علشان تجربتها حلوة جدا. لكن السفر بعربيتك الخاصة صعب الا لو دفع رباعي. هتلاقي بسهولة من شكودرا مواصلات كتير.

BERAT - 2 Nights

من احب المدن عندي ولو انا عندي حجر للسعودية هقعد فيها اسبوعين والله 🤣 .... يوم لمزارات المدينة والقلعة والاسواق باعتها. يوم تاني تروح تزور الاوسومي كانيون في جنوب بيرات عند مدينة COROVODA

.VLORA - 2 Nights

وصلنا الشواطئ بقى حيث الاسترخاء. خد يوم راحة على البحر وانتخة ويوم تاني اعمل رحلة المركب البحرية.

SARANDA - 2 Nights

اقصى جنوب البانيا حيث اجمل الشواطئ على حدود اليونان وبتكون هناك شايف جزيرة كورفو اليونانية. يوم تعمل رحلة بحرية ويوم كمان تأنتخ على البحر ي Ksamil.

TIRANA - 1 Night

انصحك ترجع اخر ليلة تبات في العاصمة تيرانا علشان هتكون على بعد ٤ او ٥ ساعات من سارندا وتستعد لطياؤة العودة. في طريق عودتك، انصحك تروح من الطريق الي بيعدي على مدينة Gjirokaster علشان هو الطريق الاسهل وكمان تزور المدينة الجميلة دي.

ايجار السيارات:

طبعا هتكون محتاج عربية في المدة كلها علشان تتحرك من مدينة للتانية (ما عدا ثيث) والايجار تكلفته تبدأ من ٣٠ يورو تقريبا للسيارات الصغيرة (كانت ب١٥ يورو في الoff season) لو محتاجين عربيات انصحكم بصديق ليا عايش هناك عنده شركة ايجار عربيات (الرقم اول كومنت) .... ميزانية ٣٠ يورو في ١٥ يوم حوالي ٤٥٠ يورو.

الاقامة:

انصحكم بالاقامة في شقق فندقية علشان هتكون ارخص عليكم من الفنادق وكمان تجربة احلى. استخدموا اللينك في اول كومنت علشان تاخدوا خصم ٢٥ دولار لما تحجزوا في احلى شقق موجودة في البانيا.

الاقامة ممكن من ٢٠ ل ٣٠ يورو لمدة ١٥ يوم حوالي ٣٠٠ ل ٤٥٠ يورو

الوجبات:

الوجبات في الغذاء والعشاء من ٥ ل ١٠ دولار تقريبا للفرد الوجبة. لو قاعد في شقة هتوفر معاك شوية علشام فيها مطبخ وتقدر تجيب شوية اشياء تعملها. الوجبات والمشروبات ١٥ ل٢٠ يورو في اليوم يعني ٢٠٠ ل ٣٠٠ يورو.

المزارات والانشطة: تذاكر مزارات وانشطة ممكن ١٠٠ ل ٢٠٠ يورو على حسب هتعملوا ايه وفين.

حل ارخص واسهل؟؟؟؟

لو اللفة دي كلها هتكون مكلفة عليك وخارج حدود ميزانيتك، انصحك تقعد اسبوع في تيرانا، واهلا بيك تشترك في برنامج رحلاتنا الي هنعملها كل جمعة لمدة اسبوع من تيرانا. والاسبوع التاني ممكن تروح تقعد في مدينة فلورا. هسيب ليكم رقم التيم في البانيا علشان لو عايزين تتواصلوا معانا للاشتراك لو عندنا مكان في الاتوبيسات.

وبكدة تكون قضيت ١٤ ليلة في البانيا وشوفت احلى حاجات في الشمال والجنوب. رحلة سعيدة ليكم جميعا ان شاء الله.


التعليقات

مقالات أخري