أهم 10 حاجات لازم تعملها عند زيارتك لمدينة طوكيو في اليابان

Shibuya Crossing تقاطع في اليابان

شيبويـا كروسينج هو أشهر تقاطع في طوكيو، والناس بتسميه تايمز سكوير اليابان. المشهد هناك خرافي، الناس بتعدي من كل اتجاه في نفس الوقت، وأنت ممكن تقف تتفرج أو تتصور أحلى صور

Tokyo Skytree برج

ده أطول برج في اليابان، ارتفاعه 634 متر. المنظر من فوق رهيب، ولو اليوم صاف، ممكن تشوف جبل فوجي كمان. غير كده، المكان حواليه فيه محلات وكافيهات تستاهل الزيارة

Senso-ji Temple اقدم معبد في طوكيو

Senso-ji Temple اقدم معبد في طوكيو

أقدم معبد في طوكيو. الطريق للمعبد مليان أكشاك بتبيع هدايا وأكلات يابانية. ما تنساش تشوف الفانوس الأحمر الكبير عند مدخل المعبد وتاخد صورة.

Meiji Shrine معبد

مزار شنتوي جميل في وسط غابة هادية. المعبد ده مخصص للإمبراطور ميجي والإمبراطورة شوكين، والمكان مناسب لو عايز شوية هدوء وروحانيات.

Akihabara – عاصمة الأنمي والألعاب

أكيهابارا جنة لأي حد بيحب الأنمي، المانجا، والألعاب. المنطقة مليانة محلات كبيرة بتبيع كل حاجة ممكن تتخيلها، من الكوميكس للـ Collectibles. حتى لو مش مهتم بالأنمي، المكان هيبهرك.

Odaiba Statue of Liberty جزيرة في طوكيو

جزيرة صناعية في خليج طوكيو، مليانة أماكن للترفيه والتسوق. جرب تزور متحف teamLab Borderless للفن التفاعلي، شوف تمثال الجاندام الضخم، أو تمشى جنب جسر قوس قزح بالليل – وكمان فيها نسخة صغيرة من تمثال الحرية بتاع نيويورك

Tsukiji Outer Market

لو بتحب السي فوود، لازم تزور السوق ده. هتلاقي هناك أكل بحري طازة زي السوشي، وكمان أكلات خفيفة يابانية مش هتلاقي زيها

Ueno Park and Zoo حديقة

حديقة أوينو مكان مثالي لو بتحب الطبيعة. في الربيع، أشجار الساكورا هناك حاجة من عالم تاني. وكمان، الحديقة فيها متاحف وحديقة حيوانات للأطفال

Shinjuku Area منطقة

منطقة شينجوكو من أكتر الأماكن الحيوية في طوكيو. ممكن تزور Shinjuku Gyoen National Garden لو عايز شوية هدوء، أو تستمتع بأضواء الليل والأنشطة في Kabukicho. ما تنساش تطلع مبنى Tokyo Metropolitan Government عشان تشوف المنظر البانورامي للمدينة ببلاش!

Disneyland Tokyo ملاهي

Disneyland Tokyo ملاهي

لو بتحب عالم ديزني، ماينفعش تفوت زيارة Disneyland Tokyo. الملاهي هناك ضخمة ومليانة ألعاب ممتعة، عروض، وأجواء مليانة سحر ديزني. سواء كنت كبير أو صغير، المكان هيخليك تعيش يوم مش هتنساه