التأشيرة إلى البوسنة سهلة للمصريين
البوسنة بتوفر تسهيلات كبيرة للمصريين. لو معاك تأشيرة شنجن أو فيزا أمريكا، تقدر تدخل من غير ما تقدم على فيزا جديدة. ولو هتقدم، الإجراءات بسيطة ونسبة القبول عالية. ده بيسهل كتير على الناس اللي بتخاف من تعقيد الفيزا.
رحلات طيران بأسعار مناسبة
السفر إلى البوسنة من مصر ممكن يتم برحلة ترانزيت قصيرة عن طريق تركيا أو صربيا. التذاكر في الصيف أسعارها معقولة جدًا، وبتكون فرصة تزور بلد أوروبي من غير ما تدفع ميزانية ضخمة.
اهم مدن لازم تزورها
سراييفو وموستار، مدينتين لازم تزورهم
سراييفو، العاصمة، فيها مزيج نادر من الثقافات: مساجد، كنائس، أسواق قديمة، وكافيهات عصرية. أما موستار، فهي واحدة من أجمل مدن البوسنة، مشهورة بالجسر القديم والنهر اللي بيمر تحته، والمناظر الطبيعية حواليه تحبس الأنفاس.
اشهر الاكلات في البوسنة
البوسنة دولة مسلمة يعني كل براحتك الأكل هناك حلو جدا وبيجمع بيجمع بين المطبخ العثماني والبلقاني.. جرب الكباب البوسني، البوريك، الحلويات المحلية، والقهوة التقليدية. البلد فيها مطاعم كتير، والأسعار مناسبة جدًا، حتى في الأماكن السياحية.
تكلفة السفر للبوسنة
من أهم مميزات السياحة في البوسنة إنها مناسبة لكل الميزانيات… تكلفة السفر فيها منخفضة ومش هحتاج بوكيت ماني كبير.. سواء في فنادق، مطاعم، أو الانتقالات ، كل حاجة أرخص من أغلب الدول الأوروبية.. يعني تقدر تقضي أسبوع هناك بسعر يومين في بلد تانية..وانصحكم تقعدوا في أسبوع
اسعار الشوبينج رخيصة وغير مكلفة
لو بتحب الهدايا والسوفنيرز المحلية اللي ليها طابع محلي، البوسنة مشهورة جدا.. بالمنتجات اليدوية المصنوعة من النحاس والجلد، والأسعار طبعا معقولة جدًا.
الاقامة في البوسنة مريحة ومناسبة لكل الميزينات
لو هنتكلم عن مدينة سراييفو وموستار، هتلاقي اختيارات كتير للإقامة.. من فنادق ، لهوستل على النهر، وكلها نظيفة ومريحة. والأسعار تبدأ من حوالي 20 يورو في الليلة، يعني تقدر تعيش تجربة مميزة من غير ما تدفع كتير
المواصلات في البوسنة متوفرة ومريحة
سواء عايز تستخدم الباصات، أو تستأجر عربية وتلف البلد، الانتقالات في البوسنة سهلة جدًا. المسافات بين المدن قريبة، والطبيعة حواليك بتخلي كل مشوار كأنه رحلة لوحده.
الأنشطة في البوسنة
البوسنة فيها أنشطة كتير زي التلفريك، Rafting ، Hiking، kayaking, ziplining, paragliding
الطبيعة في البوسنة خيالية
البوسنة بيسموها اصلا بسويسرا البلقان ودة لانها معروفة بمناظرها الطبيعية. أنهار، جبال، شلالات، وبحيرات.. البلد ليها
الخلاصة
لو بتدور على وجهة أوروبية غير تقليدية، تجمع بين الطبيعة الساحرة والتكلفة المناسبة والتاريخ العريق، يبقى لازم تحط البوسنة والهرسك في خططك. البلد دي، اللي لسه مش زحمة سياحيًا زي باقي أوروبا، بتقدم تجربة مختلفة ومليانة مفاجآت. ودي أهم 10 أسباب تخليك تفكر بجدية في السفر إلى البوسنة في الصيف.
Arabic 
English